Ruta
4 O Voz đelo ko dizjake udara hem odothe bešlja. Tegani o otkupitelj kastar o Voz vaćerđa nakhlja odothar. O Voz vićinđa le: „Manušeja, ava akari hem beš!“ Ov alo hem bešlja. 6 Ko odova o otkupitelj phenđa: „Našti te otkupinav la sose ađahar više na ka ovav odobor barvalo. O pravo kova me isi man sar otkupitelj le tu, sose me našti te otkupinav la.“ 10 E Moavka e Ruta, e Malonese udovica, lava te ovel mi romni te šaj o nasledstvo kova pripadini e Malonese hem ponodri te pripadini olese potomkonenđe, te na bistrel pe oleso anav maškari olesi familija hem maškaro manuša andi olesi diz. Tumen avdije hijen svedokija aso odova. 13 Ađahar, o Voz lelja e Ruta hem oj ulji olesi romni. Ov suća olaja, a o Jehova dinđa la te aćhol khamni hem bijanđa murše. 14 Tegani o romnja phenđe e Nojeminaće: „Nek o Jehova ovel hvalimo, kova avdije na aćhavđa tut bizo otkupitelj. Nek ando akale ćhaveso anav vaćeri pe ko Izrael. 15 Ov irinđa tut ko đivdipe hem ka brinini pe tutar ked ka phurjove, sose bijanđa le ti bori, koja mangela tut hem koja tani tuće pošukar ando efta murša.“ 16 I Nojemina lelja e ćhave ki pi angalja hem kotar tegani brininđa pe olestar.