1. Letopisa

5 O David phenđa: „Mo ćhavo o Solomon tano terno hem neiskusno, a o ćher kova valjani te ćerel pe e Jehovase mora te ovel diso posebno, ko sa o phuvja te ovel penđardo premalo po šužipe. Odolese akana ka pripreminav sa so valjani.“ Ađahar o David but buća pripreminđa angleder so mulo. 11 „A akana, mo ćhavo, nek o Jehova ovela tuvaja te šaj te ćere o ćher e Jehovase, te Devlese, sar so hem ov phenđa so tu ka ćere. 12 Samo o Jehova nek del tut razboritost hem razum ked ka ćhivel tut te vladine upro Izrael, te šaj te ićere tut ko zakon ando Jehova, to Devel. 13 Ko sa ka ove uspešno ako savesno ka ićere tut ko propisija hem ko zakonija kola o Jehova dinđa e Mojsijese aso Izrael. Ov hrabro hem zoralo. Ićer tut hem ma dara. 14 Aće, me dinđum sa mandar te šaj aso Jehovaso ćher te pripreminav 100 000 talantija ando zlato, 1 000 000 talantija ando srebro, a o bakar hem o sastron odobor ćedinđum so našti te merini pe. Pripreminđum hem i građa ando kaš hem o bara, a tu ko odova pana ka ćhive. 15 Isi tut hem but radnikija – klesarija, zidarija, tesarija hem but avera zanatlije. 16 O zlato, o srebro, o bakar hem o sastron isi odobor so našti te merini pe. Đa hem ćer buti hem o Jehova nek ovel tuvaja.“