Agej

4 „’Ama, akana Zorovavelj, ov zoralo‘, phenela o Jehova, ’ov zoralo hem tu, Isus, kova hijan e Josedekeso ćhavo hem prvosveštenik!‘ „’Oven zorale, sare tumen, phenela o Jehova, ’hem počminen te ćeren buti!‘ „’Sose me hijum tumencar‘, phenela o Jehova, o Komandanti upro sa o vojske. 5 ’Setinen tumen so obećinđum tumenđe ked ikljiljen ando Egipat. Pana legarava tumen me duhoja. Ma daran!‘ “ 6 „Sose ađahar phenela o Jehova, o Komandanti upro sa o vojske: ’Pana jekh puti, hem odova pana hari ka ćerav, ka tresinav o nebo hem i phuv, o more hem o kopno.‘ 7 „’Ka tresinav sa e narodon hem ka ćedel pe o blago ando sa o narodija hem akava ćher ka pherav slavaja‘, phenela o Jehova, o Komandanti upro sa o vojske. 8 „’O srebro tano moklo hem o zlato tano moklo‘, phenela o Jehova o Komandanti upro sa o vojske. 9 „’I slava ando akava dujto ćher ka ovel pobari nego i slava ando odova prvo‘, phenela o Jehova o Komandanti upro sa o vojske. „’Hem ko akava than ka dav tumen mir‘, vaćeri o Jehova o Komandanti upro sa o vojske. 20 E Jehovaso lafi dujto puti alo e Agejese ko bišuštarto dive ko odova masek: 21 „Phen e Zorovaveljese, e namesnikose andi Juda: ’Ka tresinav o nebo hem i phuv. 22 Ka peravav o kraljevska prestolija hem ka phagav i sila ando sa e manušenge kraljevstvija. Ka irinav o bojna kola hem okolen kola vozinena len, ka peren o grasta hem okola kola bešena upro lende, svako ando pe phraleso mač.‘ “