Jovan

36 O Isus odgovorinđa: „Mo Kraljevstvo nane deo kotar akava sveto. Ked bi mo Kraljevstvo ovela deo kotar akava sveto, me sluge bi borinena pe te na ovav dindo e Judejcenđe. Ama mo Kraljevstvo nane akatar.“ 37 Tegani o Pilat pućlja le: „Znači, tu hijan kralj?“ O Isus odgovorinđa lese: „Tu kokri pheneja so me hijum kralj. Me odolese bijandiljum hem odolese aljum ko sveto, te svedočinav aso ćaćipe. Svako koj tano ki strana ando ćaćipe šunela mo glaso.“ 38 Ko odova o Pilat phenđa lese: „Soj tano o ćaćipe?“ Palo odova palem ikljilo anglo Judejcija hem phenđa lenđe: „Na arakhljum ništa aso so bi optužinava le.“