1. Korinćanima

5 Šunđum so maškaro tumende isi blud, hem odova asavko blud savo nane ni maškaro nevernikija – jekh tumendar živini pe dadese romnjaja. 2 A tumen li hijen ponosna ko odova? Na valjani li te tugujinen hem te ciden tumendar okole kova grešini? 6 Nane šukar so hvalinena tumen. Na đanena li so hari kvasco ušljari sa o humer? 7 Ciden o purano kvasco te šaj te oven nevo humer, sose valjani te oven bizo kvasco. Sose o Hrist, amaro pashalno bakro, već tano žrtvujimo. 9 Ko lil pisinđum tumenđe te ćhinaven te družinen tumen okolencar soj tane bludnikija. 11 Ama, akana pisinava tumenđe te ćhinaven te družinen tumen svakoneja ko vićini pe phral, a kova ćerela blud ili tano pohlepno ili tano idolopoklonik ili kova lošno vaćeri averendar ili kova maćola ili kova ćorela – asavkeja ni ma han. 12 Sose me te sudinav okolenđe kola tane avri andi skupština? Na sudinena li tumen okolenđe soj tane andre ki skupština, 13 a o Devel sudini okolenđe kola tane avri andi skupština? „Ciden tumendar okole kova grešini!“