2. Letopisa

6 Pe muršen tharđa sar žrtva ki dolina ando e Enomeso ćhavo, bavinđa pe magijaja, gatinđa hem bahinđa hem ćhivđa e manušen te vićinen e duhonen hem te vaćeren so ka ovel ki budućnost. Ćerđa but buća kola hine lošna anglo e Jehovase jaćha hem ađahar marđa lese muj. 11 Odolese, o Jehova anđa upro lende o vojna zapovednikija ando asirsko kralj hem on astarđe e Manasija. On arakhlje le ki jekh pećina, phanlje le ko lancija hem legarđe le ko Vavilon. 12 Ked hine lese but pharo, celone vileja molinđa e Jehova, pe Devle, te smilujini pe upro leste hem but ponizinđa pe anglo Devel kotar pe phure. 13 Molinđa pe e Devlese hem e Devle takinđa olesi molitva ando vilo hem ov šunđa olesi molitva hem irinđa le ko Jerusalim hem palem dinđa le i kraljevsko vlast. Tegani o Manasija haljilo so o Jehova tano ćaćutno Devel. 15 Ando Jehovaso ćher cidinđa sa e tuđo devlen hem o rezbareno kip hem sa o oltarija kola ćerđa ki gora ando Jehovaso ćher hem ko Jerusalim hem fordinđa len andi diz. 16 Uzo odova, obnovinđa e Jehovaso oltari hem dinđa o žrtve zajedništva hem o žrtve zahvalnice, a e narodose andi Juda zapovedinđa te služini e Jehovase, e Izraelese Devlese.