Jov

7 Ked bi đava đi e dizjake udara hem ked bi ovava ko mo than ko trg, 8 o terne ćhave bi cidena pe ked bi dikhena man, čak hem o phure bi uštena hem bi terđona. 9 O knezija više na bi vaćerena, bi ćhivena po vas ko muj. 10 O glaso ando penđarde manuša više na bi šunđola, nijekh lafi na bi ikljola ando olengo muj. 11 Svako ko šunđa man, vaćerđa šukar mandar hem svako ko dikhlja man, hvalinđa man. 12 Sose pomožinđum e ćororenđe ked valjanđa lenđe pomoć, e ćhaven bizo dad hem svakone kova na hine le ko te pomožini lese. 13 Blagoslovinđe man okola kas spasinđum ando meribe, o udovice radujinđe pe sose pomožinđum len. 14 I pravednost uravđum sar o fistani, i pravda hine maje sar ogrtači hem sar turbani. 24 Ked dikhlje man sar asava, naštine te verujinen, o bahtalipe ko mo muj hrabrinđa len.