1. Samuilova

2 Niko nane sveto sar tu, Jehova, niko nane sar tute, nane stena sar soj tano amaro Devel. 10 O Jehova ka uništini okolen kola borinena pe protiv oleste, ka grmini upro lende kotar nebesija. O Jehova ka sudini celone phuvjaće, ka del moć okolese kole ćhivđa te ovel kralj, ka del zoralipe pe pomazanikose. 21 Tegani o Jehova smilujinđa pe upri Ana hem dinđa la te ovel la pana ćhave hem bijanđa pana trine muršen hem duje ćhajen. A o ćhavo, o Samuilo, barilo anglo Jehova. 29 Sose tegani gazinena me žrtve hem me prinosija kola odredinđum aso than kuri me bešava? Sose te ćhavenđe mothoveja pobari čast nego li maje, pa thuljona kotar o najšukar delovija ando sa o žrtve kova moklo narodo Izrael prinosini? 30 „’Odolese ađahar phenela o Jehova, e Izraeleso Devel: „Tačno tano so phenđum so to ćher hem o ćher ando te phure uvek ka ćeren i svešteničko služba anglo mande.“ Ama o Jehova akana phenela: „Na ka ovel ađahar! Sose me ka mothovav čast okolenđe kola maje mothovena čast, a okola so lađaćerena man, ka oven lađaćerde.“