Psalam

41 Bahtalo tano o manuš kova pomožini e ćororenđe, o Jehova ka spasini le ko dive andi nevolja. 2 O Jehova ka zaštitini le hem ka arakhi oleso životi. Ki celo phuv o manuša ka dikhen soj tano bahtalo. Tu na ka mukhe le ko olese dušmanenge vasta. 3 O Jehova ka podržini le ked ka ovel nabormo. Ka brinine tut olestar đi tano nabormo. 4 Phenđum: „Jehova, smilujin tut upro mande. Saćar man, sose grešinđum tuće.“ 9 Čak hem mo paše amal, upro kova hine man poverenje hem kova halja mo maro, irinđa pe protiv mande. 12 Tu podržineja man sose hijum tuće verno. Ka mukhe man zauvek te terđovav anglo tute. 13 Nek ovel hvalimo o Jehova, e Izraeleso Devel, ki celo večnost. Amin, amin.