Ruta

6 Tegani oj pođinđa pe borjencar andi moavsko phuv, sose ko Moav šunđa so o Jehova blagoslovinđa pe narodo hem dinđa len maro. 13 da li ka ađićeren len đi na ka barjon? Da li sebepi olengo ka aćhon bizo rom? Na, me ćhaja, but tano maje pharo sebepi sa akava so tumenđe ulo, sose o Jehova uštindilo protiv mande.“ 14 Ko odova on palem runđe. Palo odova i Orfa ćumudinđa pe sasa hem đelji pese, a i Ruta aćhilji olaja. 16 Ama i Ruta odgovorinđa laće: „Ma phen maje te aćhavav tut hem te đav tutar, sose kuri god tu ka đa, ka đav hem me, hem kuri god tu ka sove, ka sovav hem me. To narodo ka ovel mo narodo hem to Devel ka ovel mo Devel. 17 Kaj tu ka mere, uduri hem me ka merav, hem uduri ka ovav parumi. Nek o Jehova pana pobuter kaznini man ako diso osim o meribe cidela man tutar.“ 18 Ked i Nojemina dikhlja so i Ruta odlučinđa te đal olaja, više na manglja te phenel laće te irini pe ćhere. 20 A oj vaćerđa lenđe: „Ma vićinen man Nojemina! Vićinen man Mara, sose o Svemoćno mukhlja mo životi te ovel but ćerko. 21 Đeljum pherde vastencar, a o Jehova ćerđa te irinav man ćuće vastencar. Sose vićinena man Nojemina ked o Jehova irinđa pe protiv mande, ked o Svemoćno ćerđa maje pharipa?