2. Korinćanima

8 Akana, phraljalen, mangaja te đanen so o makedonska skupštine ćerđe sebepi o bizaslužimo šukaripe kova o Devel mothovđa lenđe. 2 Iako hine len bare kušnje hem pharipa, on hine but radosna hem phravde vastese, iako hine but ćorore. 3 Sose šaj te phenav tumenđe so on dinđe kobor šaj, a hem pobuter ando odova so šaj hine te den. 4 Sose on kokri molinđe amen te mukha len te den po velikodušno prilog hem ađahar te učestvujinen ko odova te ćedel pe pomoć aso sveta. 11 A akana završinen odija buti koja počminđen, ađahar sar so hijen le revna ko početko hem den odobor kobor šaj. 12 Ako neko dela ando vilo, odova tano ugodno e Devlese, sose ov mangela te da odova so šaj, a na odova so našti. 14 nego tumaro višako te ućhari okova so olenđe falini, te bi nekad olengo višako ućhari okova so tumenđe falini, te bi jednako ovela tumen. 24 Odolese mothoven so mangena len hem o skupštine nek dikhen sose hvalinđam amen tumencar.