Poslovice

21 E kraljeso vilo tano sar potok ko e Jehovaso vas, usmerini le kaj ov mangela. 2 E manušese šaj te dićhol so sa olese drumija tane ispravna, ama o Jehova dikhela soj tano ko vilo. 4 O ohola jaćha hem o ponosno vilo tane svetiljka koja legari e lošnonen, ama on tane hem greh. 5 O planija ando bućarno manuš sigurno ka uspinen, a koj tano sigutno sigurno perela ko ćororipe. 13 Ko ćerela pe kašuko ked o ćororo rovela, hem kokri ka rovel, ama niko na ka pomožini lese. 19 Pošukar tano te živine ki pustinja nego e romnjaja koja stalno svađini pe hem sigate holjani. 21 Ko god dela sa pestar te ćerel odova soj tano šukar hem te mothovi verno mangipe, ov ka ovel uspešno ko odova so ćerela hem ka dobini životi hem čast. 30 Nane ni mudrost ni razboritost ni šukar savet ko okola kola protivinena pe e Jehovase. 31 O gras spremini pe aso dive ando maribe, ama o spasenje avela ando Jehova.