Psalam

144 Nek ovel hvalimo o Jehova, mi Stena, kova sikavi man asi bitka hem spremini man aso maribe. 2 Ov mothovi maje po verno mangipe, ov tano mi tvrđava, ov tano than kuri šaj te garavav man hem mo spasitelj, mo štit hem mo zaklon, ov ćhivela e manušen talo me pre. 3 Jehova, soj tano jekh manuš te obratine pažnja upro leste, soj tano o manušikano ćhavo te brinine tut olese? 11 Spasin man hem arakh man ando manuša kas na penđarava, kola vaćerena hovajba hem kola vazdena po desno vas te bi dena hovavni sovli. 12 Tegani amare ćhave ka oven sar terne biljke kola sigate barjona, a amare ćhaja sar stubija kola ukrasinena i palata. 13 Amare žitnice ka oven pherde razno điveja. Amare bakre ka množinen pe, ka oven odobor but so na ka šaj te đenen pe ko amare pašnjakija. 14 Amare gurumnjenđe, kola akharena pe tiknen ko vođi, na ka ovel ništa lošno hem nijekh na ka našali pe tiknen. Ko amare trgija na ka šunđol rojbe. 15 Bahtalo tano o narodo kase tano ađahar! Bahtalo tano o narodo kaso Devel tano o Jehova!