Luka
2 Uduri hine jekh manuš kova vićinđa pe Zakhej. Ov hine glavno porezniko hem hine barvalo. 3 Ov manglja te dikhel e Isuse, ama našti hine ando narodo, sose hine but nisko. 4 Odolese prastandilo anglal, đi o than kaj valjanđa o Isus te nakhel, hem ukljinđa ki divljo smokva te bi dikhela le. 5 Ked o Isus reslja ko odova than, dikhlja upre hem phenđa lese: „Zakhej, hulji sigate, sose avdije valjani te ovav gosto ko to ćher.“ 6 Hem ov sigate huljinđa hem radosno priminđa le. 10 Sose o manušikano Ćhavo alo te rodel hem te spasini odova soj tano našaldo.“ 11 Đi olese učenikija odova šunđe, vaćerđa lenđe pana jekh poređenje, sose hine paše uzo Jerusalim, a on mislinđe so e Devleso Kraljevstvo odmah ka ovel uspostavimo. 12 Odolese phenđa: „Jekh manuš kova hine e kraljeso ćhavo đelo ki dur phuv te lel i kraljevsko vlast hem palo odova te irini pe. 36 Đi nakhlja, o manuša buljarđe pe ogrtačija ko drumo. 37 Hem samo so alo paše uzo drumo kotar kova huljela pe kotar Maslinsko gora, sa olese učenikija počminđe te radujinen pe hem ko sa o glaso te hvalinen e Devle sebepi o čudija kola dikhlje: 38 „Blagoslovimo nek ovel okova kova avela sar Kralj ko Jehovaso anav! Mir ko nebo hem slava e Devlese kova tano ko najućo than!“ 39 A disave fariseja, kola hine maškaro narodo, phenđe lese: „Učitelju, vaćer te učenikonenđe te ćutinen.“ 40 Ov phenđa lenđe: „Phenava tumenđe, ako on ka ćutinen, o bara ka vaćeren.“ 41 Ked alo paše uzi diz hem dikhlja la, počminđa te rovel sebepi odija diz