Jezekilj

4 Tegani phenđa lenđe: „Prorokujin aso odola kokala hem phen lenđe: ’Šuke kokalaljen, šunen e Jehovaso lafi! 5 „’Ađahar phenela o Svevišnjo Gospod, o Jehova aso odola kokala: „Ka udahninav tumenđe dah hem tumen ka oživinen. 7 Me tegani počminđim te prorokujinav sar so hine maje zapovedimo. Hem đi prorokujinđum, šundilo disavo zvuk, sar ked khuvela diso, hem o kokala počminđe te aven jekh uzo jekh hem te spojinen pe. 9 Tegani phenđa maje: „Prorokujin e bavlalaće. Prorokujin, manušikane ćhaveja, hem phen asi bavlal: ’Ađahar phenela o Svevišnjo Gospod, o Jehova: „Ava, bavlaleja, kotar solštar strane adno sveto hem phude ko akala mudarde manuša te bi oživinena.“ ‘ “ 11 Tegani phenđa maje: „Manušikane ćhaveja, akala kokala tane celo o izraelsko narodo. Ov vaćerana: ’Amare kokala šućilje, propadinđa amari nada. Odvojime hijam kotar sa.‘ 15 Palem alo maje e Jehovaso lafi: 16 „Tu kova hijan manušikano ćhavo, le jekh kaš hem upro leste pisin: ’Aso Juda hem aso izraelsko narodo kova tano oleja.‘ 17 Palo odova ćhiv len jekh uzo jekh ađahar te oven sar jekh kaš ko to vas. 18 Ked to narodo ka pućel tut: ’Mangeja li te phene amenđe so značini sa odova?‘, 19 vaćer lenđe: ’Ađahar phenela o Najbaro Gospod Jehova: „Ka lav e Josifeso kaš, kova tano ko Jefremeso vas, hem o izraelska plemenija kola tane oleja hem ka ćerav te oven jekh e Judase kašteja. Ka ćerav olendar jekh kaš, hem ka oven jekh ko mo vas.“ ‘ 24 „’„Mo sluga o David ka ovel olengo kralj hem sare ka ovel len jekh pastiri. Ka živinen premalo me zakonija hem ka ićeren pe ko me smernice. 25 Ka živinen ki phuv koja dinđum me slugase e Jakovese, ki koja živinđe tumare dada. Ka živinen zauvek ki odija phuv on hem olenge ćhave hem o ćhave ando olenge ćhave. Mo sluga o David zauvek ka ovel olengo poglavari. 26 „’„Ka ćerav olencar savez ando mir. Odova ka ovel večno savez olencar. Ka utvrdinav len ki olengi phuv hem ka umnožinav len, zauvek ka ćhivav mo svetilište maškaro lende. 27 Mo šator ka ovel olencar hem me ka ovav olengo Devel, a on ka oven mo narodo.