Isaija

4 Teško e grešno narodose, kola na ćhinavena te grešinen, kola avena andi lošnonengi loza, kola tane rumime ćhave! Aćhavđe e Jehova, na mothovđe poštovanje e Sveto Izraelese Devlese, irinđe lese po dumo. 5 Kuri pana te khuvav tumen, tumen so stalno buninena tumen upro mande? Celo tumaro šero tano ranimo, tumaro vilo tano nabormo. 6 Ando šero đi i patum ništa nane sasto. Tumare povrede, o modrice hem o phravde rane nane čistime, nane paćarde niti uljeja makhlje. 15 Ked širinena tumare vasta ki molitva, phanava me jaćha anglo tumende. But molitve izgovorinena, ama me na šunava len, sose tumare vasta tane pherde rateja. 16 Thoven tumen, oven čista, ma ćeren više lošna delija anglo me jaćha. Ma ćeren više lošnipe. 18 „Aven te vaćera hem me ka pomožinav tumen te pomirinen tumen mancar“, phenela o Jehova. „Ako tane tumare grehija sar i loli boja, ka oven parne sar o iv. Ako tane sar i tamno loli boja, ka oven parne sar i vuna.