Otkrivenje

3 „E anđelese ki skupština ko Sard pisin: Akava vaćeri okova kova isi le efta e Devlese duhija hem efta ćerenja: ’Đanava te delija – dićhoveja so hijan đivdo, a mulo hijan. 2 Ušti ando sojbe hem zorjaćer odova so aćhilo, a samo so na mulo, sose na dikhava so ćereja sa odova so mo Devel rodela tutar. 3 Odolese, ma bistri odova so dobinđan hem so šunđan. Ićer tut ko odova hem pokajin tut! Sose ako na ušteja ando sojbe, ka avav sar ćor hem na ka đane ked ka avav. 5 Ađahar okova so ka pobedini ka ovel uravdo ko parne fistanja hem na ka kosav oleso anav kotar knjiga ando životi, nego ka priznajinav le anglo mo Dad hem anglo lese anđelija. 7 „E anđelese ki skupština ki Filadelfija pisin: Akava vaćeri okova kova tano sveto hem ćaćutno, kova isi le e Davideso ključo – okova so ov phravela niko našti te phanel, a okova so phanela niko našti te phravel: 8 ’Đanava te delija. Aće, phravđum o udara anglo tute kova niko našti te phanel. Đanava so nane tut but snaga, ama palem ićerđan tut ko me lafija hem aćhiljan maje verno. 10 Sebepi so hijan le istrajno sar mande, me ka arakhav tut ko vreme andi kušnja koja ka avel upro celo sveto, te šaj te oven iskušime okola kola živinena ki phuv. 11 Ka avav sigate. Ićer tut zorale ko odova so isi tut, te na lel tutar neko i nagrada. 14 „E anđelese ki skupština ki Laodikija pisin: Akava vaćeri o Amin, o verno hem o ćaćutno svedoko, prvo ando sa so o Devel ćerđa: 15 Đanava te delija, so na hijan ni šudro ni tato. Ked bi barem oveja šudro ja tato! 16 Ama sebepi so hijan mlako, a na hijan ni tato ni šudro ka ćhungarav tut ando mo muj. 17 Tu pheneja: „Barvalo hijum hem ćedinđum baro barvalipe hem ništa više na valjani maje“, a na đaneja so hijan jadno, ćororo, kororo hem nango. 19 „’Okolen so mangava me mothovava lenđe kaj grešinena hem ispravinava len. Odolese ov revno hem pokajin tut! 22 Ko isi le kana, nek šunel so o duho vaćeri e skupštinenđe.‘ “