Otkrivenje

2 Ov pištinđa bare glasoja: „Pelji tani, pelji tani i bludnica o Baro Vavilon hem ulji than e demonenđe hem than kuri tano svako melalo duho hem garavdo than kotar svako melalipe hem gadna ćiriklja! 4 Tegani šunđum jekh aver glaso kotar nebo sar vaćeri: „Ikljoven olatar, moklo narodo, te na učestvujinen olaja ko olake grehija hem te na bi doživinena olake pharipa! 5 Sose olake grehija pherdilje đi ko nebo hem o Devel setinđa pe upro olake lošna delija. 7 Kobor slavinđa pes hem živinđa bizi lađ ko baro barvalipe, odobor muke hem pharipa ćeren laće! Sose ko po vilo vaćerđa: „Bešava sar kraljica hem na hijum udovica hem niked na ka tugujinav.“ 8 Odolese, ko jekh dive ka aven olake pharipa: o meribe, i tuga hem o bokhalipe, hem ka ovel thardi e jagaja, sose tano moćno o Jehova, o Devel, kova osudinđa la. 9 „Hem o kraljija kotar phuv kola ćerđe olaja blud hem živinđe olaja ko baro barvalipe hem na lađandilje, ka roven hem ka žalinen palo late ked ka dikhen so ikljola o ćuro andi jag ki koja oj thabljola. 11 „Hem o trgovcija ando celo sveto ka roven hem ka tugujinen palo late, sose više niko na ka ćinel olengi roba: 15 „O trgovcija kola sa odoleja trgujinđe hem kola sebepi olako barvaljilje, ka terđon podur, ka daran sebepi olake muke, ka roven hem ka oven tužna: 20 „Radujinen tumen, o nebo, sa o sveta, o apostolija hem o prorokija, sebepi so desinđa pe olaće odova, sose o Devel sebepi tumaro osudinđa la!“ 21 Hem jekh zoralo anđeo vazdinđa o bar, sar baro bar ando mlin hem fordinđa le ko more, hem phenđa: „Ađahar, kotar jekhvar ka ovel fordimo o Vavilon, i bari diz, hem više niked na ka ovel. 24 Ki odija diz arakhlja pe o rat ando prorokija, ando sveta hem ando sa okola kola hine mudarde ki phuv.“