Poslovice

22 Pošukar tano te birini pe šukar anav, nego baro barvalipe. Averengo poštovanje vredini pobuter ando srebro hem ando zlato. 3 O gođalo manuš dikhela i opasnost hem cidela pe, a o neiskusna đana ponodri hem trpinena o posledice. 4 I poniznost hem o strahopoštovanje premalo Jehova anena barvalipe, čast hem životi. 6 Sikav e ćhave premalo drumo ko kova valjani te đal, pa na ka cidel pe olestar ni ked ka phurjol. 7 O barvalo vladini upro o ćorore hem ko lela zajam robo tano okolese kova dela zajam. 15 O dilinipe tano hor ko ćhaveso vilo, ama o prut andi pouka ka cidel olestar o dilinipe. 17 Phrav te kana hem šun o lafija ando mudra manuša, te šaj celone vileja te ićere tut ko odova so sikavava tut. 19 Avdije sikavava tut te bi uzdajineja tut upro Jehova. 24 Ma družin tut e manušeja kova sigate khuvela ki kavga hem ma đa okoleja kova sigate holjani, 25 te na bi oveja sar oleste hem te na ćhive kokri tuće zamka. 29 Da li dikhljan e manuše kova đanela šukar te ćerel pi buti? Asavko manuš ka terđol anglo kraljija, na ka terđol anglo obična manuša.