1. Kraljevima

10 I kraljica andi Sava šunđa asi Solomonesi slava, koja dobinđa sebepi Jehovaso anav, hem odolese alji te pućel le disave phare pućiba. 2 Reslja ko Jerusalim bute slugencar hem e kamilencar kola akharđe balzam, skupocena bara hem but zlato. Ked alji ko Solomon, vaćerđa oleja ando sa so hine laće ki godi. 3 O Solomon odgovorinđa laće ko sa olake pućiba. Na hine ništa so o kralj naštine te objasnini laće. 4 Ked i kraljica andi Sava dikhlja e Solomonesi mudrost hem o ćher kova ćerđa, 5 ked dikhlja o habe kova hine ko oleso astali, e manušen kola hine ko oleso dvor sar bešena ko astali, olese slugen kola služinđe ko astali hem olenge šeja, olese peharnikonen hem o žrtve paljenice kola dinđa ko Jehovaso ćher, aćhilji bizo lafi. 6 Odolese phenđa e kraljese: „Ćaće tano sa odova so ki mi phuv šunđum tutar hem andi ti mudrost. 7 Ama, na verujinđum ko okova so vaćerđa pe đi na aljum hem na dikhljum me jaćhencar. Ni ekvaš na hine maje vaćerdo! Ti mudrost hem to barvalipe tane but pobare ando odova so šunđum tutar. 8 Blago te manušenđe hem te slugenđe kola tane uvek anglo tute hem šunena ti mudrost! 9 Nek ovel hvalimo o Jehova, to Devel, kova odobor mangela tut so ćhivđa tut ko Izraeleso presto. Sebepi po večno mangipe premalo Izrael, o Jehova ćhivđa tut te ove kralj, te sudine hem te de i pravda.“ 10 Palo odova, dinđa e kraljese 120 talantija ando zlato, skupocena bara hem but balzam. Niko niked na anđa odobor balzam sar so i kraljica andi Sava dinđa e Solomonese. 14 O zlato kova svako berš reslja e Solomonese hine pharo 666 talantija,