Matej
18 Tegani o učenikija alje ko Isus hem pućlje le: „Koj tano najbaro ko nebesko Kraljevstvo?“ 3 hem phenđa: „Verujinen maje, ako na menjinena tumen hem na ovena sar tikne ćhave, na ka khuven ko nebesko Kraljevstvo. 8 Odolese ako, to vas ja to pro ćhivela tut te ćere greh, ćhin le hem forde le tutar. Pošukar tano tuće sar sakato ja bango te dobine o životi nego solduje vastencar ja solduje prencar te ove fordimo ki večno jag. 9 Hem ako ti jakh ćhivela tut te ćere greh, ikal la hem forde la tutar. Pošukar tano jekha jakhaja te dobine o životi nego solduje jaćhencar te ove fordimo ki jag ki gehena. 10 Pazinen te na prezirinen jekhe ando akala tikne, sose phenava tumenđe so olenge anđelija ko nebo uvek dikhena me Dadeso muj kova tano ko nebo. 12 „So mislinena? Ako jekh pastiri isi le 100 bakre hem jekh olendar našalđola, zar na ka mukhel odole 99 bakren ki gora hem ka đal te rodel okole kova našaldilo? 13 Hem ako arakhi le, phenava tumenđe, pobuter ka radujini pe sebepi odova bakro nego sebepi okola 99 bakre kola na našaldilje. 14 Ađahar, ni mo Dad kova tano ko nebo na mangela nijekh kotar akala tikne te našalđol. 15 „Ako to phral ćerela greh, đa kokri hem mothov lese so ćerđa lošno. Ako ka šunel tut, pomožinđan te phralese te ćerel odova soj tano šukar. 16 Ama, ako na šunela tut, le tuvaja jekhe ja dujen, te bi ovela svako buti potvrdimi premali izjava ando duj ja trin svedokija. 17 Ako na šunela ni olen, phen e skupštinaće. A ako na šunela ni e skupština, nek ovel tuće sar neverniko hem sar porezniko. 18 „Verujinen maje, so god phanena ki phuv, odova ka mothovi so odova tano već phanlo ko nebo, a so god phravena ki phuv, odova ka mothovi so odova tano već phravdo ko nebo. 21 Tegani alo o Petar hem pućlja le: „Gospode, kobor putija šaj te grešini maje mo phral hem me te oprostinav lese? Đi ko efta putija?“ 22 O Isus phenđa lese: „Na phenava tuće đi ko efta putija, nego đi ko 77 putija. 30 Ama ov odova na manglja, nego dinđa te forden le ko phanlipe, te ovel odothe sa đi na irini odova so dugujini lese. 31 A ked avera robija dikhlje so ulo, but hine tužna, đelje hem sa vaćerđe e gospodarese. 35 Ađahar hem mo nebesko Dad ka postupini tumencar ako svako tumendar ando vilo na oprostini pe phralese.