Jov

14 „O manuš kas i đuvli bijanđa, na živini but hem oleso životi tano pherdo pharipa. 2 Sar i luludi niconi, a palo odova venoni, sar i senka našela hem našalđola. 4 Šaj li neko ko nane čisto te bijani nekas ko tano čisto? Našti! 7 Sose hem jekhe kaštese isi nada. Ako ćhinela pe, palem ka niconi, neve granke olestar palem ka barjon. 8 Ako oleso koreno phurjola ki phuv, hem oleso trupco šućola ki phuv, 9 ka niconi ked ka osetini o pani hem ka mukhel o granke sar terni biljka. 10 Ama ked o manuš merela, našalđola sa olesi snaga. Ked o manuš merela, tegani kaj tano ov? 13 E ked bi ćhiveja man ko grobo, ked bi garaveja man sa đi na nakhela ti holi, ked bi odredineja maje o rok hem ked bi tegani setineja tut upro mande! 14 Ked o manuš merela, šaj li palem te irini pe ko đivdipe? Me ka ađićerav sa đi hijum ko ropstvo đi na avela o vreme te ovav oslobodimo. 15 Tu ka vićine man, a me ka šunav tut. Jedva ka ađićere te dikhe odova so ćerđan te vastencar.