Luka

3 Ko dešupanđto berš andi vladavina ando car Tiberije, ked o Pontije Pilat hine namesnik ki Judeja, o Irod vladari ki Galileja, oleso phral o Filip vladari ki Itureja hem ki Trahonitida, a o Lisanija vladari ki Avilina, 2 ko dive ando sveštenička poglavarija o Ana hem o Kajafa, o Devel vaćerđa e Zaharijase ćhaveja, e Jovaneja, ki pustinja. 3 O Jovan nakhlja celo područje okolo Jordan hem propovedinđa so o manuša valjani te krstinen pe te bi mothovena so kajinena pe, te šaj te oven oprostime olenge grehija, 4 sar so bešela ki knjiga ki koja pisinena o lafija ando prorok Isaija: „Neko vićini ki pustinja! ’Pripreminen o drumo e Jehovase! Ćeren o staze te oven ravna! 5 Svako dolina pheren phuvjaja, svako gora hem svako brdo ćeren te ovel ravno! Sa o krivine nek oven prava hem sa o lošna drumija nek oven ravna! 6 Hem sa o manuša ka dikhen okole prekalo kaste o Devel ka del o spasenje.‘ “ 10 O manuša pućlje le: „Tegani, so valjani te ćera?“ 11 Ov phenđa lenđe: „Ko isi le duj fistanja, jekh nek del okolese kova nane le nijekh hem ko isi le diso hajbase, nek del okolese kova nane le.“ 12 Alje hem o poreznikija te krstinen pe hem pućlje le: „Učitelju, so valjani te ćera?“ 13 Ov phenđa lenđe: „Ma roden e manušendar pobuter nego so valjani.“ 14 A hem disave vojnikija pućlje le: „So valjani amen te ćera?“ Ov phenđa lenđe: „Nikastar ma len zorjeja pare hem ma hovaven ked nekas optužinena, nego oven zadovoljna tumare plataja.“ 15 O manuša ađićerđe e Hriste hem sarine pućlje pe te nane o Jovan o Hrist. 16 Odolese o Jovan sarinenđe phenđa: „Me krstinava tumen panjeja, ama avela okova soj tano pobaro mandar. Me na hijum dostojno ni te phravav o kaišija ando olese sandale. Ov ka krstini tumen e sveto duhoja hem e jagaja. 17 Ko vas isi le lopata te čistini o điv ando ljuspe. O điv ka ćhivel ki pi žitnica, a o ljuspe ka tharel e jagaja koja našti te mudarđol.“ 18 Ađahar o Jovan dinđa e manušenđe hem but avera savetija hem vaćerđa lenđe i šukar vest. 21 Ked sa o manuša krstinđe pe, krstinđa pe hem o Isus. Đi molinđa pe, o nebo phravdilo 22 hem o sveti duh kova dićhilo sar golubi huljilo upro leste, a kotar nebo šundilo o glaso: „Tu hijan mo manglo Ćhavo, tu hijan pali mi volja.“ 23 Ked hine le oko 30 berš, o Isus počminđa te ćerel pi služba. Ov hine, sar so o manuša mislinđe, o ćhavo e Josifeso, e Ilijeso, 24 e Matateso, e Levijeso, e Melhijeso, e Janejeso, e Josifeso, 25 e Matatijeso, e Amoseso, e Naumeso, e Eslijeso, e Nagajeso, 26 e Mateso, e Matatijeso, e Semeineso, e Josiheso, e Jodaso, 27 e Joananeso, e Resaso, e Zorovaveljeso, e Salatileso, e Nirijeso, 28 e Melhijeso, e Adijeso, e Kosameso, e Elmadameso, e Ireso, 29 e Isuseso, e Elijezereso, e Jorimeso, e Matateso, e Levijeso, 30 e Simeoneso, e Judaso, e Josifeso, e Jonameso, e Elijakimeso, 31 e Melejeso, e Menaso, e Matatineso, e Nataneso, e Davideso, 32 e Jesejeso, e Ovideso, e Vozeso, e Salmoneso, e Nasoneso, 33 e Aminadaveso, e Arnijeso, e Esroneso, e Fareseso, e Judaso, 34 e Jakoveso, e Isakeso, e Avrahameso, e Taraso, e Nahoreso, 35 e Seruheso, e Ragaveso, e Falekeso, e Evereso, e Salaso, 36 e Kainaneso, e Arfaksadeso, e Simeso, e Nojeso, e Lameheso, 37 e Metuzalemeso, e Enoheso, e Jaredeso, e Maleleileso, e Kainaneso, 38 e Enoseso, e Siteso, e Adameso, e Devleso.