Danilo

3 Hem o štar bare zverija ikljilje ando more. Soštar hine averćhane. 9 Đi dikhljum, hine ćhivde o prestolija hem о Najpurano bešlja. Olese šeja hine parne sar iv, a olese bala ko šero sar čisto vuna. Oleso presto hine lolo sar jag, a o točkija sar jag koja thabljola. 13 Palo odova ko vizije prekali rat dikhljum sar ko nebeska oblakija avela neko sar o manušikano ćhavo. Hine lese dozvolimo te avel anglo Najpurano hem anđe le anglo leste. 14 Olese hine dindi i vlast, i čast hem o kraljevstvo, te služinen lese sa o narodija, o plemenija hem o manuša ando sa o ćhibja. Olesi vlast tani večno hem niked na ka nakhel, a oleso kraljevstvo niked na ka ovel uništimo. 15 „Me, o Danilo, uznemirinđum man sose daravđe man o vizije kola hine man. 16 Aljum uzo jekh ando odola kola terdilje odothe hem pućljum le te phenel maje so sa akava značini. Ov odgovorinđa maje hem mothovđa maje so odova značini. 17 Okola štar bare zverija tane štar kraljija kola ka ušten ki phuv. 18 Ama o sveta sluge ando Najbaro ka priminen o kraljevstvo hem ov ka pripadini lenđe zauvek hem ki sa i večnost.‘ 27 „’A o kraljevstvo, i vlast, hem o veličanstvo ando kraljevstvija talo celo nebo dinde tane e narodose kola tane o sveta sluge ando Najbaro. Olengo kraljevstvo tano večno hem sa o vlastija ka služinen lenđe hem ka oven lenđe poslušna.‘