Psalam

3 Ma uzdajinen tumen upro moćna manuša, niti ko bilo kova manuš, sose ov našti te anel tumenđe o spasenje. 4 Ked oleso duho ikljola olestar, ov ko praho irini pe hem ko odova dive sa olese mislija propadinena. 5 Bahtalo tano o manuš kase pomožini e Jakoveso Devel, kasi nada tani ko Jehova, oleso Devel, 6 kova ćerđa o nebo, i phuv, o more hem sa so isi ano lende, o Devel kova tano uvek verno, 7 kova dela i pravda e mučime manušenđe, kova dela maro e bokhalenđe. O Jehova oslobodini okolen soj tane phanle. 8 O Jehova phravela o jaćha ando okola soj tane korore, o Jehova vazdela okolen so pelje, o Jehova mangela e pravedno manušen. 10 O Jehova ka ovel Kralj zauvek, to Devel, Sion, ka vladini andi generacija ki generacija. Hvalinen o Jah!