Isus Navin

2 Tegani o Isus, e Navineso ćhavo, ćorjalje bićhalđa ando Sitim duje uhoden. Ov phenđa lenđe: „Đan hem dikhen odija phuv, a posebno o Jerihon. On đelje hem alje ko ćher andi jekh bludnica koja vićinđa pe Rava hem uduri aćhilje. 9 Phenđa lenđe: „Đanava so o Jehova ka del tumen akija phuv. Sebepi tumaro uklinđa amen i dar. Sa o manuša andi akija phuv darana tumendar, 10 sose šunđam sar nakhljen ki šuki phuv ked o Jehova legarđa tumen kotar Crveno more ked ikljiljen ando Egipat, hem sar nakhlje o duj amorejska kraljija, o Sion hem o Og, kas mudarđen ki aver strana ando Jordan. 11 Ked šunđam odova, darandiljam hem sebepi tumaro našalđam amari hrabrost, sose o Jehova, tumaro Devel, tano Devel upre ko nebo hem tele ki phuv. 24 Palo odova phenđe e Isusese: „Celo odija phuv o Jehova dinđa amenđe ko vasta hem sa o manuša kola odothe živinena darana amendar.“