Otkrivenje

12 Tegani ko nebo dićhilo baro znak – i romni koja hine uravdi ko kham, talo pre hine laće o mesec, a ko šero i kruna ando 12 zvezde. 2 Hine khamni hem ked alo o vreme te bijani, pištinđa odolese so hine la bare dukha hem muke. 3 Ko nebo dikhlja pe pana jekh znak – o baro zmaj kova hine lolo sar jag, kova hine le efta šere hem deš šinga, a ko šere hine le efta krune. 5 Oj bijanđa jekhe ćhave, murše, kova sastronale palicaja ka vladini upro sa o narodija. Olako ćhavo hine odmah legardo ko Devel hem ko oleso presto. 7 A ko nebo ulo maribe: O Mihailo hem olese anđelija borinđe pe protiv o zmaj. A o zmaj hem olese anđelija borinđe pe protiv olende, 8 ama na pobedinđe. Hem olenđe više na hine than ko nebo. 9 Hem hine fordimo o baro zmaj, о najpurano sap, kova vićini pe Beng hem Satana, kova hovavi celo sveto. Hine fordimo tele ki phuv, hem olese anđelija hine fordime tele oleja. 10 Tegani šunđum zoralo glaso ando nebo sar vaćeri: „Akana o spasenje, i moć hem o Kraljevstvo amare Devleso hem i vlast kotar oleso Pomazaniko ule ćaće, sose fordimo tano o tužitelji amare phralengo, kova dive hem rat optužini len anglo amaro Devel! 12 Odolese veselinen tumen, o nebesija hem tumen kola živinena upro lende! Teško tumenđe, i phuv hem o more, sose o Beng huljilo koro tumende, but holjamo, sose đanela so isi le hari vreme! 15 A o sap ando po muj fordinđa pali romni o pani sar reka, te tasavi la ki reka. 16 Ama i phuv alji te pomožini e romnjaće hem phravđa po muj hem nakhavđa i reka kola o zmaj fordinđa ando muj. 17 Tegani o zmaj but holjanđa upri romni hem đelo te borini pe okolencar so aćhilje ando lako potomstvo, okolencar so ićerena pe ko e Devlese zapovestija hem kolenđe tano dindo te svedočinen ando Isus.