Psalam

3 Hvalinen tumen olese sveto anaveja, nek radujini pe o vilo okolengo kola rodena e Jehova. 8 Ov niked na ka bistrel po savez. Hem te nakhen hiljada generacije, ka setini pe ko obećanje kova dinđa, 9 ko savez kova ćerđa e Avrahameja hem ki sovli koja dinđa e Isakese, 10 koja potvrdinđa e Jakovese sar trajno savez e Izraeleja, 11 vaćerindoj: „Tuće ka dav i hanansko phuv, ka dav la tuće sar nasledstvo.“ 12 Phenđa odova ked hine hari đene, but hari đene, ked hine strancija ki phuv. 13 Đelje ando narodo ko narodo hem kotar jekh kraljevstvo ko aver kraljevstvo. 17 Anglo pe sluge bićhalđa e Josife, e manuše kova hine bikimo sar robo. 18 Olese pre ćhivđe ko okovija, olesi men ćhivđe ko lancija, 19 đi na ispuninđa pe okova so hine phendo. e Jehovaso lafi čistinđa le. 42 Sose na bisterđa po sveto obećanje kova dinđa pe slugase e Avrahamese. 43 Ikalđa pe narodo hem on veselinđe pe. Oleso birimo narodo hine but bahtalo. 44 Dinđa len o phuvja ando avera narodija, on nasledinđe o buća aso kola avera but trudinđe pe.