1. Korinćanima

11 Oponašinen man, sar so me oponašinđum e Hriste. 3 Ama mangava te đanen so svakone romese tano poglavari o Hrist, a e romnjaće tano poglavari o rom, a e Hristese tano poglavari o Devel. 14 Nane prirodno o murš te ovel le bare bala, sose odova tano lađ olese. 20 Ked ćedena tumen te han e Gospodesi večera, na ćerena odova ađahar sar so valjani. 23 Me sikavđum tumen odova so sikljiljum ando Gospod: ki rat ked valjanđa te ovel predajimo, o Gospod o Isus, lelja o maro 24 zahvalinđa pe e Devlese, phaglja le hem vaćerđa: „Akava tano mo telo kova dela pe tumenđe. Ćeren akava te setinen tumen upro mande.“ 25 Ađahar, lelja hem i čaša pali večera hem phenđa: „Akija čaša predstavini o nevo savez kova temeljini pe ko mo rat. Ćeren akava, ked god pijena olatar, te setinen tumen upro mande.“ 26 Sose ked god hana akava maro hem pijena andi akija čaša, objavinena e Gospodeso meribe, đi ov na avela. 27 Odolese, ko god bizo poštovanje hala o maro ja pijela andi e Gospodesi čaša, ka grešini protiv e Gospodeso telo hem rat.