Marko

4 „Vaćer amenđe ked ka ovel odova? Hem so ka ovel o znak so aso sa odova alo o kraj?“ 8 Sose ka uštel o narodo upro narodo hem o kraljevstvo upro kraljevstvo, ka oven zemljotresija ko razna thana hem ka ovel bokhalipe. Sa odova tano početak ando pharipa. 10 Hem i šukar vest najangleder mora te propovedini pe sa e narodonđe. 13 Hem sa o manuša ka mrzinen tumen sebepi mo anav. Ama, ko istrajini đi o krajo, ov ka ovel spasimo. 20 Hem ked o Jehova na bi skratini odola dive, niko na bi spasini pe. Ama sebepi okolen kas ov birinđa, ka skratini odola dive. 27 Hem tegani ka bićhali e anđelen hem ka ćedel okolen so birinđa kotar štar strane ando sveto, kotar jekh krajo ando nebo đi aver hem kotar jekh krajo andi phuv đi aver. 32 „Niko na đanela ked ka avel odova dive hem o sati, ni o anđelija ko nebo ni o Ćhavo, nego samo o Dad. 33 Pazinen, oven đangavde, sose na đanena ked tano o vreme te ovel odova. 37 Ama okova so tumenđe phenava, phenava sarinenđe: Aćhoven đangavde!“