Poslovice

8 Cide mandar o hovajba. Ma de man ni o ćororipe ni o barvalipe. De man samo maro kova valjani maje, 9 te na ćaljovav hem te na cidav man tutar pa te phenav: „Koj tano o Jehova?“ Ma mukh te ovav ćororo hem sebepi odova te ćorav hem ađahar te lađaćerav o anav ando mo Devel. 15 I pijavica isi la duj ćhaja kola pištinena: „De man! De man!“ Isi trin buća kola niked nane zadovoljna hem štar kola niked na phenena: „Dosta!“ 16 O grobo hem i neplodno materica, i šuki phuv hem i jag koja niked na phenela: „Dosta!“ 18 Trin buća tane maje but čudesna hem štar na haljovava: 19 sar o orao letini ko nebo, sar o sap nakhela ki stena, sar o brodo putujini ko phravdo more hem sar jekh murš ponašini pe ked tano jekha đuvljaja. 20 Ađahar postupini i romni koja tani preljubnica: oj ćaljola, kosela po muj, pa phenela: „Na ćerđum ništa lošno.“ 24 Štar stvorenja tane maškaro najtikne ki phuv, ama tane mudra: 25 o ćirja nane zorale, ama ipak nilajese ćedena pese hrana. 26 O damanija nane zorale životinje, ama ipak ćerena pese ćher ko stene.