Postanak
2 Ađahar hine završime o nebo, i phuv hem sa so isi koro lende. 2 Đi o eftato dive o Devel završinđa okova so ćerđa, a o eftato dive počminđa te odmorini ando sa so ćerđa. 3 O Devel blagoslovinđa o eftato dive hem posvetinđa le, sose odova dive počminđa te odmorini ando sa so ćerđa, palo odova so stvorinđa sa so manglja. 4 Akava tano o zapis sar ulje o nebo hem i phuv, okova dive ked o Jehova o Devel stvorinđa len. 7 O Jehova o Devel stvorinđa e manuše ando e phuvjako praho hem phudinđa lese ko nak hem ćerđa le te ovel đivdo hem o manuš ulo đivdo. 15 O Jehova o Devel ćhivđa e manuše ko edensko vrt te ćerel buti hem te brinini pe olestar. 16 Tegani o Jehova o Devel dinđa e manušese akija zapovest: „Kotar svako kaš ko vrt slobodno ha đi na ćaljoveja. 17 Ama, kotar kaš ando penđaribe soj tano šukar hem soj tano lošno na ismineja te ha, sose odova dive ked ka ha olestar, sigurno ka mere.“ 18 O Devel, o Jehova palo odova phenđa: „Nane šukar o manuš te ovel kokri. Ka ćerav lese pomoćnica, neko ko ka odgovorini lese.“ 22 O Jehova o Devel stvorinđa e đuvlja kotar rebro kova ljelja ando manuš hem palo odova anđa la e manušese. 23 Tegani o manuš phenđa: „Aće konačno o kokalo ando me kokala hem o mas ando mo mas! Nek vićini pe đuvli, sose tani ljendi ando manuš.“ 24 Odolese o manuš ka mukhel pe dade hem pe daja hem ka spojini pe pekle romnjaja hem on ka oven jekh telo.