Psalam
22 Devla, Devla, sose mukhljan man? Sose hijan dur hem na spasineja man? Sose na šuneja mo rojbe? 7 Sare kola dikhena man asana maje, ćerena šereja hem lošno vaćerena: 8 „Uzdajinđa pe ko Jehova. Ov neka spasini le! Neka izbavini le, ked odobor mangela le!“ 9 Sose tu ikalđan man ando me dajako vođi, dinđan man sigurnost pana đi hijum le ko olako kolin. 10 Tuće dinđe te arakhe man sar bijandiljum, sar ikljiljum ando me dajako vođi, tu hijan mo Devel. 15 Nane man više snaga, uljum sar phago phuvjako ćaro, mi ćhib lepini pe ko mo muj. Ko meribnjaso praho ćhivđa man. 18 Maškaro peste delinena me fistanija hem fordena o žreb aso me šeja. 22 Ka vaćerav to anav me phralenđe, ka hvalinav tut maškaro ćedimo narodo. 23 Tumen kola darana ando Jehova, hvalinen ole! Sare kola hijen e Jakovese ćhave, slavinen le! Hor poštujinen le, sare kola hijen potomstvo ando Izrael. 24 Sose ov na phanela pe jaćha ked o ćororo patini, niti olesi dukh tani olese phari. Na irinđa po šero olestar, ked rodinđa olestar pomoć, ov pomožinđa lese. 26 O krotka ka han hem ka ćaljon, okola kola rodena e Jehova ka hvalinen le. Nek živinen zauvek.