Jov

42 Tegani o Jov ađahar phenđa e Jehovase: 2 Akana đanava so tu sa šaj te ćere hem so tuće ništa nane nemoguće. 3 Phenđan: ’Koj tano odova so irini me savetija, a ništa na haljola?‘ Me vaćerđum, ama na haljiljum o buća kola tane odobor šuže, kola na penđarava. 5 Me kana šunđe tutar, ama akana hem me jaćha dikhena tut. 6 Odolese cidava mo lafi hem kajinava man ki prašina hem ko praho.“ 7 Ađahar o Jehova završinđa o razgovor e Joveja. Palo odova o Jehova phenđa e Elifasese ando Teman: „Holjanđum upro tute hem upro te duj amala, sose na vaćerđen o ćaćipe mandar sar mo sluga o Jov. 10 Palo odova so o Jov molinđa pe pekle amalenđe, o Jehova cidinđa lestar odova pharipe hem irinđa lese o barvalipe kova hine le. O Jehova dinđa le duj putija pobuter ando odova so angleder hine le. 11 Sa e Jovese phralja hem phenja hem sa okola so angleder hine olese amala alje koro leste ćhere hem halje oleja. Mothovđe lese saosećanje hem tešinđe le sebepi sa o pharipa kola o Jehova dozvolinđa te ovel le. Svako olendar dinđa le pare hem zlatno angrustik. 12 Ađahar o Jehova blagoslovinđa o berša kola aćhilje e Jovese pobuter nego okola angleder hem ov hine le 14 000 bakre, 6 000 kamile, 2 000 guruva hem 1 000 hernja.