Otkrivenje

21 Hem dikhljum o nevo nebo hem i nevi phuv, sose okova nebo hem okija phuv više na hine, a ni o more više na hine. 2 Dikhljum hem i sveto diz, o Nevo Jerusalim, sar huljela kotar nebo ando Devel, pripremimo sar bori koja tani namestimi e ćhavese. 3 Tegani šunđum jekh zoralo glaso ando presto sar vaćeri: „Aće, e Devleso šatori maškaro manuša! O Devel ka ovel maškaro lende hem on ka oven oleso narodo hem kokri o Devel ka ovel olencar. 4 Ov ka kosel svako asvi kotar olenge jaćha hem na ka ovel više meribe, ni tuga, ni rojbe, ni dukha. Sa so hine angleder nakhlja. 5 Hem okova so bešela ko presto vaćerđa: „Dikh, sa nevo ćerava!“ Pana vaćerđa: „Pisin, sose ko akala lafija šaj te verujini pe hem ćaćutne tane.“ 6 Hem phenđa maje: „Ispuninđe pe! Me hijum Alfa hem Omega, početak hem kraj. Svakonese koj tano trošalo ka dav bizo pare te pijel kotar izvor ando životi. 12 Hine le baro hem ućo zido 12 udarencar, a ko udara terdilje 12 anđelija. Ko udara hine pisime o anava ando 12 izraelska plemenija. 14 O zido kova okružinđa i diz hine le 12 bara ko po temelji, a upro lende hine 12 anava ando Bakrese 12 apostolija. 22 Ki diz na dikhljum o hram sose olako hram tano o Jehova, o Devel, o Svemoćno, hem o Bakro. 23 E dizjaće na valjanđe ni o kham ni o mesec te ćeren laće svetlo, sose olako svetlo hine e Devlesi slava, a olaki svetiljka hine o Bakro. 24 O narodija ka đan ki olesi svetlost, a o kraljija ki phuv ka proslavinen le.