Postanak

17 Ked o Avram hine le 99 berš, o Jehova pojavinđa pe lese hem phenđa lese: „Me hijum o Svemoćno Devel. Živin premali mi volja hem ov besprekorno ko sa. 3 Tegani o Avram pelo ko koćija hem pokloninđa pe, a o Devel pana phenđa lese: 4 „Aće, ćerđum savez tuvaja hem tu ka ove dad ando but narodija. 5 Više na ka vićine tut Avram, nego Avraham, sose ka ćerav te ove dad ando but narodija. 6 Ka ćerav to potomstvo te ovel but baro hem tutar ka aven but narodija hem kraljija. 7 „Ka ićerav man ko savez kova ćerđum tuvaja hem kova odnosini pe upro te ćhave andi generacija ki generacija. Odova savez ka ovel večno hem ka ovav Devel tuće hem te ćhavenđe kola ka aven palo tute. 8 Tuće hem te ćhavenđe kola ka aven palo tute ka dav i phuv ki koja živineja sar stranco, celo hanansko phuv, hem oj zauvek ka ovel tumari. Hem me ka ovav olengo Devel.“ 15 O Devel pana phenđa e Avrahamese: „Te romnja e Saraja više ma vićin Saraja, sose olako anav ka ovel Sara. 16 Me ka blagoslovinav la hem oj ka bijani tuće ćhave. Ka blagoslovinav la hem olatar ka aven narodija hem kraljija.“ 17 Tegani o Avraham pelo ko koćija hem pokloninđa pe, asandilo hem phenđa kokri pese: „Šaj li e manušese ando 100 berš te bijanđol ćhavoro hem šaj li i Sara koja isi la 90 berš te bijani?“ 18 O Avraham phenđa e ćaćutne Devlese: „Molinava tut, blagoslovin e Ismaile!“ 19 Ko odova o Devel phenđa lese: „Ti romni i Sara ćaće ka bijani tuće ćhave hem ka de le anav Isak. Oleja ka ćerav savez. Odova savez zauvek ka koristini olese hem olese ćhavenđe.