Jezekilj

7 „Tut, manušikane ćhaveja, ćhivđum te ove stražari upro izraelsko narodo. Ked šuneja me lafija, mora te opomenine len ko mo anav. 8 Ked okolese kova tano lošno phenava: ’Ka mere, lošnoneja!‘, a tu na pheneja lese ništa te bi upozorineja le te na ćerel lošna buća, ov ka merel sebepi o lošna buća kola ćerela, ama tu ka ove odgovorno aso oleso meribe. 11 Vaćer lenđe: ’„Hava sovel“, phenela o Najbaro Gospod Jehova, „me na mangava okova soj tano lošno te merel. Pobuter bi mangava te ćhinavi te ćerel odova soj tano lošno hem te aćhol đivdo. Ćhinaven, ćhinaven te ćeren odova soj tano lošno! Sose te meren, manušalen ando Izrael?“ ‘ 14 „’Ked okolese kova tano lošno phenava: „Ka mere“ hem ov ćhinavi te grešini hem počmini te ćerel odova soj tano ispravno hem pravedno, 15 pa irini odova so lelja ko zalog hem platini odova so ćorđa, počmini te živini premalo odredbe kola anena đivdipe hem ćhinavi te ćerel odova soj tano lošno, ka aćhol đivdo. Na ka merel. 16 Sa o grehija kola ćerđa ka oven oprostime olese. Odolese so ćerela odova soj tano ispravno hem pravedno, ka aćhol đivdo. 32 Tu hijan olenđe sar manuš kova isi le šužo glaso hem kova bašali šukar, sar manuš kova đilabi i đili ando mangipe. On šunena tekle lafija, ama niko olendar na ičeri len. 33 Ked sa odova ka ispunini pe – a ka ispunini pe – tegani ka đanen so o proroko hine maškaro lende.“