Isaija

13 Ked ka rode pomoć, o idolija kola ćedinđan na ka spasinen tut. I bavlal sa ka legari len, e manušeso dah ka phudel len. A okova so koro mande garavi pe ka nasledini i phuv hem ka živini ki mi sveto gora. 14 Ka phenel pe: ’Ćeren, ćeren o drumo! Pripreminen o drumo! Ciden ando mo narodo sa o prepreke kotar drumo!‘ “ 15 Sose ađahar phenela o Najbaro, kova živini večno hem kaso anav tano sveto: „Me živinava ko najućo hem ko sveto than, ama me hijum hem okolencar kola tane phage vileja hem kola tane obeshrabrime, te ohrabrinav okolen kola tane obeshrabrime, hem te dav snaga okolenđe kaso vilo tano phago. 20 „A o lošna tane sar o nemirno more kova našti te smirini pe hem kase panja fordena i morsko ćar hem i ćik. 21 Nane mir e lošnonenđe“, phenela mo Devel.