Pesma nad pesmama

4 Dava tumen sovel, ćhajalen ando Jerusalim, upro gazele hem upro košute andi poljana, molinava tumen ma trudinen tumen te barjaćeren o mangipe ano mande ked pana na pojavinđa pe. 6 Ćhiv man sar pečati ko to vilo, sar pečati ko to vas, sose o mangipe tano zoralo sar o meribe hem i vernost tani zorali sar o grobo. O mangipe tano sar o plamen andi jag koja thabljola, o plamen kova avela ando Jah. 7 Ni o bare panja našti te aćhaven o mangipe niti o reke šaj te legaren le. Ked bi o manuš aso mangipe dela hem sa po barvalipe, o manuša bi mrzinena odova barvalipe.“ 8 „Isi amen potikni phen koja pana nane la brekha. So ka ćera amare phenjaja ked ka aven te mangen la?“ 9 „Ako tani sar o zido, upro late ka ćera i kula ando srebro, a ako ka ovel sa o udar, ka phana la e phaljencar.“ 10 „Me hijum o zido, a me brekha tane sar kule. Odolese ov dikhela so isi man mir ko vilo.