2. Letopisa

23 Eftato berš o Jodaj ćedinđa hrabrost hem ćerđa savez e zapovednikonencar upro šel manuša: e Jeroamese ćhaveja e Azarijaja, e Joananese ćhaveja e Ismaileja, e Ovidese ćhaveja e Azarijaja, e Adajinese ćhaveja e Masijaja hem e Zihrijese ćhaveja e Elisafateja. 2 On đelje ko but thana ki Juda hem ćedinđe e Leviten ando sa o dizja ki Juda hem e poglavaren ando plemenska porodice ko Izrael. Ked alje ko Jerusalim, 3 sa o ćedime manuša ćerđe savez e kraljeja ko ćher ando ćaćutno Devel. Tegani o Jodaj phenđa lenđe: „Aće, e kraljeso ćhavo ka vladini, sar so o Jehova obećinđa aso e Davidese ćhave. 4 Ađahar ka ćeren: E sveštenikonen hem e Leviten kola ka aven ko sabat, valjani te delinen ko trin grupe. Jekh grupa ka arakhen o udara, 5 i dujto grupa ka oven ko kraljeso dvoro, a i trito grupa uzo Udara ando temelji. Celo narodo ka ovel ko dvoro ando Jehovaso ćher. 6 Niko te na khuvel ko Jehovaso ćher, osim o sveštenikija hem o Levitija kola odothe služinena. On šaj te khuven, sose tane posvetime, a sa o manuša nek ćeren okova soj tane dužna anglo Jehova. 7 O Levitija nek oven uzo kralj hem svako nek ovel le oružje ko vasta. Mudaren svakone kova pokušini te khuvel ko hram. Oven uzo kralj kuri god ov te đal.“ 8 O Levitija hem celo e Judaso narodo ćerđe ađahar sar so zapovedinđa lenđe o sveštenik Jodaj. Svako olendar lelja peja pe manušen kola služinđe ko sabat hem okolen kola na služinđe ko sabat, sose o sveštenik Jodaj na mukhlja nikas te đal andi pi dužnost. 9 O sveštenik Jodaj tegani dinđa kopljija e zapovednikonenđe upro stotine manuša, tikne štitija hem okrugla štitija ando kralj David, kola hine ko ćher ando ćaćutno Devel. 10 Rasporedinđa e manušen hem svako hine le oružje ko vasta, andi desno đi i levo strana ando ćher, ko oltari hem ko ćher, hem ađahar kotar sa o strane hine uzo kralj. 11 Tegani ikalđe e kraljese ćhave, ćhivđe lese kruna hem upro oleso šero ićerđe o Svedočanstvo, hem ađahar ćhivđe le te ovel kralj. Palo odova o Jodaj hem olese ćhave pomazinđe le. Ko sa o glaso vaćerđe: „Nek ovel đivdo o kralj!“ 14 O sveštenik Jodaj bićhalđa e zapovednikonen upro stotine, okolen kola hine zapovednikija upri vojska, hem phenđa lenđe: „Ikalen la odothar hem ako neko pođini palo late, nek ovel mudardo mačeja!“ Sose o sveštenik phenđa: „Ma mudaren la ko Jehovaso ćher.“ 15 On astarđe la hem legarđe la đi ko ulaz aso grasta ko kraljeso dvoro hem uduri mudarđe la. 19 Ćhivđa hem e manušen te arakhen o udara ko Jehovaso ćher te ne bi khuvela niko kova hine nečisto sebepi diso.