2. Kraljevima

11 Ked i Gotolija, e Ohozijasi daj, dikhlja so mulo olako ćhavo, mudarđa sarinen andi Judasi kraljevsko loza. 2 Ama i Josaveja, i ćhaj ando kralj Joram, e Ohozijasi phen, garavindoj legarđa e Joase, e Ohozijase ćhave, ando kraljese ćhave kas manglje te mudaren hem cidinđa ole hem e romnja koja dinđa le thud ki spavaćo soba. Garavđe le andi Gotolija hem ađahar ov na hine mudardo. 3 Šov berš aćhilo garavdo ko Jehovaso ćher, đi i Gotolija vladinđa ki odija phuv. 12 Tegani o Jodaj ikalđa e kraljese ćhave, ćhivđa lese kruna hem upro oleso šero ićerđa o Svedočanstvo. Ađahar ćhivđe le te ovel kralj hem pomazinđe le. Marđe pe šake hem ko sa o glaso vaćerđe: „Nek ovel đivdo o kralj!“ 13 Ked i Gotolija šunđa sar o manuša prastana hem pištinena, alji đi ko narodo ko Jehovaso ćher. 14 Uduri dikhlja e kralje sar terđola ko stubo, sar so hine o običaj. Uzo kraljo hine o zapovednikija hem o trubačija, a sa o manuša veselinđe pe hem phudinđe ko trube. Tegani i Gotolija pharavđa pe fistanija hem pištinđa: „Zavera! Zavera!“ 15 O sveštenik Jodaj naredinđa e zapovednikonenđe upro stotine, okolenđe kola hine zapovednikija upri vojska: „Ikalen la odothar hem ko god pođini palo late, nek ovel mudardo mačeja!“ Sose o sveštenik phenđa: „Ma mudaren la ko Jehovaso ćher.“ 16 On dolinđe la hem legarđe la đi o ulaz aso grasta ko e kraljeso dvoro hem uduri mudarđe la. 17 Tegani o Jodaj ćerđa savez maškar o Jehova, o kralj hem o narodo, so on hem ponodri ka oven e Jehovaso narodo, a ćerđa savez hem maškaro kralj hem o narodo.