2. Letopisa

9 Palo odova bićhalđa e manušen te roden e Ohozija. Astarđe le đi garavđa pe ki Samarija, anđe le ko Juj hem mudarđe le. Palo odova parunđe le, sose phenđe: „Ov tano e Josafateso unuko, kova celone vileja služinđa e Jehovase.“ Hem više na hine niko ando Ohozijaso ćher kova šaj hine te ovel kralj. 11 Ama i Josaveta, e kraljesi ćhaj, ćorjale legarđa e Joase, e Ohozijase ćhave, ando kraljese ćhave, kas manglje te mudaren, pa ole hem e romnja koja dinđa le thud cidinđa ki spavaćo soba. I Josaveta, i ćhaj ando kralj Joram (i romni ando sveštenik Jodaj hem e Ohozijasi phen) garavđa le andi Gotolija, hem ađahar oj na mudarđa le. 12 Šov berš hine garavdo koro lende, ko ćher ando ćaćutno Devel, đi i Gotolija vladinđa odothe.