2. Petrova

2 But manuša ka ćeren ista odola lošna buća kola on ćerena bizi lađ hem sebepi olengo lošno ka vaćeri pe ando drumo e ćaćipaso. 4 Ćaće, o Devel na oprostinđa e anđelenđe kola grešinđe, nego fordinđa len ko tartar hem phanlja len ko lancija ki bari tomnina te arakhi len aso sud. 5 Hem ov kazninđa o sveto ko Nojese dive, ama arakhlja e Noje, kova hine o propovednik andi pravednost, hem pana efta đenen ked mukhlja o potop ko sveto kova hine pherdo e lošno manušencar. 7 A izbavinđa e pravedno Lote, kova patinđa sebepi o lošna manuša kola ćerđe grešna postupkija bizi lađ. 8 sose o bezakona delija kola odova pravedniko dikhlja hem šunđa đi dive palo dive živinđa maškaro lende mučinđe olesi pravedno duša. 9 O Jehova đanela sar te ikali e manušen kola tane verna olese andi kušnja hem đanela sar e nepravedno manušen te arakhi aso dive ando sudo te oven uništime, 10 a posebno okolen kola mangena te meljaćeren averengo telo hem kola mrzinena okolen so isi len autoritet. On tane drska hem zorale šerese, na darana lošno te vaćeren ando okola kolenđe o Devel mothovđa čast, 11 a o anđelija, iako tane pozorale hem pomoćna, olen na optužinena lošno lafencar odolese so poštujinena e Jehova. 12 Ama odola manuša lošno vaćerena ando odova so na haljona. On ka oven uništime sebepi pe lošna postupkija, sar o životinje kola tane bijande te oven astarde hem mudarde.