Levitska

10 „’Ako neko kotar Izraelcija ja kotar strancija kola živinena maškaro tumende hala bilo savo rat, me ka irinav man protiv o manuš kova ka hal rat, ka mudarav le hem ađahar ka cidav le ando oleso narodo. 11 Sose i duša e telosi tani ano rat hem me dinđum le e oltarese te čistinen pe tumare duše, sose o rat tano okova kova čistini sebepi soj i duša tani ano leste. 13 „’Ako dijekh Izraelco ili dijekh stranco kova živini maškaro tumende astari divljo životinja ili ćiriklja, koja šaj te hal pe, nek mukhel te đal olako rat hem nek ućhari le phuvjaja. 14 Sebepi so o životi ando svako đivdo biće tano oleso rat, sose ano leste tano o životi. Odolese phenđum e Izraelconenđe: „Na isminena te han o rat kotar nijekh stvorenje, sose o životi ando svako stvorenje tano oleso rat. Ko ka hal le, mora te ovel mudardo.“