Jakovljeva

2 Sose sare često grešinaja. Ako neko na grešini ko lafija, ov tano savršeno manuš, kova tano sposobno te kontrolišini hem celo telo. 3 Ked ćhivaja dizginja e grastenđe ko muj te oven amenđe poslušna, tegani kontrolišinaja hem celo olengo telo. 4 Dikhen o brodija: Iako tane bare hem legari len i bari bavlal, sebepi o tikno kormilo on đana kaj mangela o manuš kova upravini. 5 Isto ađahar, i ćhib tani but tikno deo ando telo, a but hvalini pe. Hem i tikni jag šaj te tharel but bari šuma! 6 A hem i ćhib tani jag. Kotar sa o delovija ando telo, i ćhib tani najbaro lošnipe, sose meljaćeri celo telo hem uništini celo e manušeso životi hem tharela sa sar i gehena. 10 Kotar isto muj ikljola hem o šukaripe hem o lošnipe. Me phralja, na valjani te ovel ađahar. 11 Da li kotar isto than ikljola hem o gudlo hem o ćerko pani? 12 Me phralja, šaj li i smokva te bijani masline ja o drakha te bijanen smokve? Ađahar ni ando londo pani našti te ovel gudlo pani. 13 Koj tano maškar tumende mudro hem razborito? Nek odova mothovi ađahar so ka ponašini pe šukar hem ko sa so ćerela nek mothovi blagost, koja avela andi mudrost. 17 Ama i mudrost so avela upral najangleder tani čisto, palo odova miroljubivo, razumno, spremno te šunel, pherdi milosrđe hem šukar plodija, nepristrasno, nelicemerno. 18 A i pravednost sejini pe ko mir hem olako plod ka ćeden okola kola ćerena te ovel mir.