Psalam

96 Đilaben e Jehovase i nevi đili. Đilaben e Jehovase, sa o manuša ki phuv! 2 Đilaben e Jehovase, hvalinen oleso anav. Ando dive ko dive vaćeren i šukar vest ando spasenje kova ov dela. 3 Vaćeren maškaro narodija andi olesi slava, maškaro sa o narodija olese čudesna delija. 7 Mothoven čast e Jehovase, o plemenija ando sa o narodija, mothoven čast e Jehovase sebepi olesi slava hem moć. 8 Den e Jehovase i čast koja zaslužini sebepi po anav, len o dar hem aven ko dvorište ando oleso ćher. 9 Pokloninen tumen e Jehovase uravde ko sveta šeja. Celo phuv valjani te daral olestar. 10 Vaćeren maškar o narodija: „O Jehova ulo Kralj! I phuv zoralje terđola, našti te pomerini pe. Ov pravedno ka sudini e narodonđe. 11 Nek radujini pe o nebo hem nek veselini pe i phuv, nek slavini le o more hem sa so isi ano leste! 12 Nek radujinen pe o poljija hem sa soj tano ano lende, sa o kašta ki šuma nek radujinen pe 13 anglo Jehova, sose ov avela, avela te sudini e phuvjaće. Ov ka sudini e manušenđe ki phuv pravedno hem verno.