Sudije
14 Ked alo ki Lehija hem ked dikhlje le o Filistejcija, počminđe te vićinen sar pobednikija. Tegani e Jehovaso duh dinđa snaga e Samsonese hem o šele ko olese vasta ulje sar o lanena thava kola thabilje ki jag hem pelje kotar olese vasta. 15 Palo odova dikhlja e heresi vilica, dolinđa la hem olaja mudarđa 1 000 manušen. 16 Tegani o Samson phenđa: „E herese vilicaja mudarđum bute dušmanen, pherdo dušmanen! E herese vilicaja mudarđum hiljada manušen.“ 18 Odolese so hine trošalo, molinđa pe e Jehovase: „Tu dinđan te slugase akija bari pobeda. Akana li te merav sose hijum trošalo hem te perav ko vasta ando neobrezana?“ 19 Tegani o Devel ki Lehija ćerđa jekh rupa andi koja ikljilo o pani. Ked o Samson pilja pani, irinđa pe olesi snaga hem oporavinđa pe. Odolese odole izvorese dinđa anav En-Akore hem ov sa đi avdije postojini ki Lehija.