Sudije

4 Palo odova, zaljubinđa pe upri jekh romni koja vićinđa pe Dalila hem koja živinđa ki dolina Sorik. 17 Ko krajo phravđa laće po vilo hem phenđa: „Niked na ćhinđum me bala, sose ando tiknipe hijum e Devleso nazirej. Ked bi šišinena man đeralo, mi snaga bi mukhela man, bi ovava slabo hem sar svako aver manuš.“ 28 Tegani o Samson vićinđa e Jehova lafencar: „Gospode, Jehova tu kova hijan Najbaro, molinava tut, setin tut upro mande. Molinava tut, Devla, de man snaga samo pana akava puti hem mukh man te osvetinav man e Filistejenđe aso jekh ando me duj jaćha.“ 29 Tegani o Samson dolinđa pe ko duj srednja stubija ko kola terdilo odova hram hem osloninđa pe upro lende, ko jekh stubo desno vasteja, a ko aver levo vasteja. 30 Phenđa: „Nek merav e Filistejencar!“ Tegani sa pe snagaja gurinđa o stubija hem o hram rušinđa pe upro knezija hem upro sa o narodo kova hine othe. Ađahar đi merela hine mudarđa pobuter manušen nego so mudarđa đi hine đivdo.