Jezdra

9 Ked završinđa pe sa odova, alje o knezija koro mande hem phenđe: „O izraelsko narodo, o sveštenikija hem o Levitija na odvojinđe pe ando avera narodija – ando Hanancija, ando Ferezeja, ando Jevuseja, ando Amoncija, ando Moavcija, ando Egipćanija hem ando Amoreja – hem ando olenge gadna običaja. 2 On hem olenge ćhave lelje pese olenge ćhajen te oven olenge romnja. Ađahar on, o sveto narodo, mešinđe pe e manušencar ando avera narodija. O knezija hem o upraviteljija hine prva kola ćerđe odova greh.“ 10 „Devla, so te phena akana palo sa akava so ulo? Sose aćhavđam te zapovestija 11 kola dinđan prekalo te sluge o prorokija, vaćerindoj: ’I phuv ki koja đana, tani melali sebepi o lošnipe kova ćerena o narodija kola odothe živinena hem sebepi olenge gadna običaja. On pherđe celo odija phuv e lošno bućencar kola ćerena. 12 Odolese ma den tumare ćhajen olenge ćhavenđe hem ma len olenge ćhajen tumare ćhavenđe. Niked ma pomožinen len te ovel len mir hem te oven barvale, ako mangena te oven zorale hem te han okova soj tano šukar ki odija phuv hem zauvek te aćhaven odija phuv tumare ćhavenđe ko nasledstvo.‘