Zaharija

4 O anđeo kova vaćerđa mancar palem alo hem vazdinđa man, sar so neko vazdela e manuše ando sojbe. 2 Palo odova pućlja man: „So dikheja?“ A me odgovorinđum: „Aće, dikhava o svećnjak kova tano sa ando zlato, kova upre isi le jekh ćaro hem efta svetiljke. O efta svetiljke upre isi len efta cevčice. 3 Uzo leste hine hem duj kašta andi maslina, jekh ki desno, a jekh ki levo strana ando ćaro.“ 4 Tegani pućljum e anđele kova vaćerđa mancar: „Mo gospodare, so akava značini?“ 6 Tegani phenđa maje: „Akava tano e Jehovaso lafi aso Zorovavelj: ’„Na e vojno silaja ni e snagaja, već me duhoja“, phenela o Jehova, o Komandanti upro sa o vojske. 7 Ko hijan tu, bari planino? Anglo Zorovavelj ka ove ravnica. Hem ked ov ka anel o završno bar, o manuša glasno ka vićinen: „Savo šužipe! Savo šužipe!“ ‘ “ 8 Palem alo maje e Jehovaso lafi: 9 „O vasta ando Zorovavelj ćhivđe o temelji akale ćherese hem olese vasta ka završinen le. Tegani ka đanen so o Jehova, o Komandanti upro sa o vojske, bićhalđa man tumenđe. 10 Sose ko marđa tumenđe muj ked počminđen hari po hari te gradinen o hram? O narodo, a hem o efta jaćha, ka radujinen pe ked ka dikhen o visak ko vasta ando Zorovavelj. Odola efta jaćha tane e Jehovase jaćha, kola dikhena i celo phuv.“ 12 Pana pućljum le: „Soj tane o grane ando odola duj masline kotar kola ando duj zlatna cevčice ikljola zlatno tečnost?“ 14 Tegani phenđa: „Odola tane o duj pomazanikija kola terđona uzo Gospodari andi celo phuv.“